Саха КВН сүүмэрдиир түһүмэҕэ

04.12.2019

Ахсынньы 3 кунугэр Бүлүү куоратыгар, «Саха КВН» юбилейнай тэрээһиннэрин чэрчитинэн «Алгыс» сынньалаҥ киинигэр оскуола оҕолоругар ХХ республикатааҕы «Саха КВН» улуустааҕы оонньууларын сүүмэрдиир түһүмэҕэ үрдүк таһымнаахтык буолан ааста. Тэрээһиҥҥэ 9 хамаанда кыттан күөн көрүстүлэр, Үөһээ- Бүлүү  улууһугар региональнай этапка барарга дьоһуннук кииристилэр. Саха КВН» хамсааһына бу ааспыт 20 сыл иһигэр бэйэтин тула мунньаттаата сытыы өйдөөх, айар дьоҕурдаах, күлүү-үөрүү аргыстаах оскуола  оҕолорун  уонна эдэр көхтөөх ыччаты. «Саха КВН» хамсааһынын сүрүн сыала-соруга саха ыччата доҕордоох-көхтөөх буолуута, төрөөбүт тылын-эйгэтин кэҥэтии буолар. Ол курдук, оонньуубут анал тиэмэтинэн буолла «20 сыл. Сана са5ахтар!». Оонньуу 3 түһүмэхтэн турбута:

1.«Эҕэрдэлэһии» («Приветствие») - 5 мүнүүтэ, тиэмэтэ «Туох барыта бэйэбититтэн саҕаланар!»;

2.«Судургу ыйытынньык» («Разминка») – 2 ыйытыы – 2 хоруй;

3.«Билэр айымньы сюжетыттан» - 3 мүнүүтэ, тиэмэтэ «Сэкириэккин кимиэхэ да этиэм суоҕа»; 

 

Оонньуу түмүктэрэ: Бастакы миэстэни ылла "Муммуттар" – Халбаакы орто оскуолатын хамаандата, салайааччылара Иннокентьев Гавриил Владимирович, Андреев Василий Афанасьевич. Иккис миэстэ тигистэ "Кындыл сиэннэрэ" – Чочу орто оскуолатын хамаандата, салайааччы Сергеев Дмитрий Дмитриевич. Үһүс миэстэ: «Түмэн» - Николай Гаврильевич Чернышевскай аатынан Булуутээҕи педагогическай колледж хамаандата, салайааччы Иванов Николай Васильевич.

 

Анал ааттар хаһаайыннара: «Саха КВН эрэлэ» - «Айдам-Сайдам» Кэскил оҕо киинин хамаандата, «Бастыҥ дьиэтээҕи сорудах» - «Дабансы» Булуутээ5и техникум, «Бастыҥ көрүдьүөс» - «Саха childrens»  Бөкчөҥөө орто оскуолата, «Бастыҥ эҕэрдэлээһин» - «Тоstar» Чинэкэ орто оскуолата, «Бастыҥ куолас»- «Гоголев сиэннэрин сиэннэрэ»          Хампа орто оскуола.Хочу такой сайт

 

Биирдиилээн дьонҥо анал ааттаары ыллылар «Көрдөөх көкөт» (Мистер КВН) – Дьулус Гоголев Чочу орто оскуолата, «Күн күлүүк» (Мисс КВН) – Степанова Вика Хампа орто оскуолата, «Көрөөччү биһирэбилэ» - Анатолий Томский Халбаакы орто оскуолата,  «Саталлаах салайааччы» - Иннокентьев Г.В, Андреев В.А, Сергеев Д.Д.

 

"Саха КВН" өрүү баар буол! Өрүү баар буол "Саха КВН"!

Просмотров всего: , сегодня:

Дата создания: 04.12.2019

Дата обновления: 04.12.2019

Дата публикации: 04.12.2019

Наверх
На сайте используются файлы cookie. Продолжая использование сайта, вы соглашаетесь на обработку своих персональных данных. Подробности об обработке ваших данных — в политике конфиденциальности.